Аюдан качканда батып үлгән балыкчының соңгы минутларын видеога төшергәннәр

Камчаткадагы авылда балыкчы үлеме турыда "Вести" каналы хәбәр итте. Мәрхүм кешенең аюдан качып барганда суга төшеп батуын видеога төшереп өлгергәннәр.

Транспорт чарасында утырган ир-атлар аюны куркытып кычкыралар. Балыкчыга "Серега, йөгер" дип дәшәләр.

Аю балыкчыны куып тауга менә башлаган, аннары кеше суга йөгергәч, аю тагын куа киткән. Шулай итеп, балыкчы суда батып үлгән.