Байкалда 2 турист аюга очрый. Алар ерткычтан качарга маташа. Шул чакта кыядан егылып төшәләр. Берсе һәлак була. Бу турыда Тикшерү комитетына сылтама белән РЕН ТВ хәбәр итте.
«Россия Тикшерү комитетының Бурятия буенча Тикшерү идарәсенә Байкал яры буенда бер турист һәлак булуы, икенчесе имгәнү турында хәбәр иттеләр», – диелә хәбәрдә.
Якынча белешмә буенча, 2 ир-ат Чивыркуйский култыгы ярында ерактагы бухтада ял итә. Бирегә алар көймәдә килә.
Туристлар яши торган урынга урманнан аю чыга. Ир-атлар ерткычтан качарга тырышканда, кыядан егылып төшәләр. Берсе шунда ук үлә, икенчесе төрле травмалар ала.
Тикшерү бара, диелә хәбәрдә.
