Айсылу Габдинованың әнисеннән скумбрия пешерү рецепты
Җырчы Айсылу Габдинова Инстаграмда әнисе пешергән скумбрия фотосын куйган һәм рецепт белән уртаклашкан.
Скумбрияне чистартырга, юарга, кипшетергә, тоз һәм борыч сыларга. Петрушканы турарга һәм өстенә лимон согы сыгарга. Балык эченә петрушка, суган, помидор тутырырга.
Балыкларны фольгага төрергә, янына бәрәңге дә турап салырга мөмкин. Духовкада 30 минут пешерергә.
Аннары фольганы ачарга һәм тагын 20 минут пешерергә.
Табынга биргәндә балыкка янә лимон согы сыгарга.
