Айсылу Габдинова әти-әнисенең күп авырлыклар кичерүе турында язган
Җырчы әти-әнисен туй көннәре белән котлаган.
Айсылу Габдинова әти-әнисен туй көне белән котлаган. Аларның гаилә коруына 30 ел булган икән.
Җырчы аларның бер сумка белән Уфадан Казанга күченүе, күп авырлыклар күрүләре, өч бала үстерүләре турында язган. Айсылу әнисенең икесенә дип бер банан алуы, үзе аны бер кабып, калганын аңа гына ашатуын да искә төшергән.
«Бернигә карамастан да алар бергә, алар гаилә, алар күп кеше өчен үрнәк. Мин аларның кызы булуым белән бәхетле. Мөгаен, һәркем әти-әниләрен үзенең дусты итеп күрәсе киләдер. Мин бәхетле, сез минем иң якын дусларым. Безгә бергә һәрвакыт кызык һәм күңелле. Миңа начар яки яхшы булса да сезнең белән уртаклашам. Мәңге яшәгез, сез булганда, без — сезнең балаларыгыз бәхетле», — дип язган җырчы.
Инстачылар да җырчының әти-әнисенә изге теләкләр җиткергән.