Айсылу Габдинова: Бар әрнүемне шушы җырга салырга теләдем...
Җырчы Айсылу Габдинова "Гөнаһ" дип аталган яңа җырын тәкъдим итте.
Әлеге җырны репертуарына алу тарихын Айсылу инстаграмында язды.
"Бер ел элек, тормышымда катлаулы вазгыять сәбәпле, мин Ризван Хәкимов җырларын тыңлый башладым. Аның җырлары әрнү һәм өзгәләнү белән тулы...
"Гөнаһ" җыры аеруча күңелгә керде. Мин аны кабат-кабат тыңладым. Ул тәмамлангач, тагын кабыздым...
Һәм минем аны бик тә җырлыйсы килгәнне аңладым. Бөтен әрнүемне шул җырга тапшырыр идем, дип теләдем.
Мин бу тәкъдим белән продюсер Рифат Әхмәтовичка бардым, әмма ул җырны инде Азат Абитов алганын әйтте.
Минем күңел бик төште, бик! Әмма, вакыт узгач, тынычландым. Ярты елдан Азатның бу җырдан баш тартканын аңладым. Һәм башыма уй килде: тагын бер талпынып карыйммы соң әллә?
Бу юлы җыр минеке булды! Мин бик бәхетле идем! Яшермим: мин ул җырны ничек тапшырырга белмичә, кабат-кабат яздырдым. Аңладым: аны җырларга түгел, аның белән кичерешләреңне сөйләргә кирәк икән...
Туганнарым, продюсерым җырны ничек кабул итәр икән, дип борчылдым. Ул бит ничектер башка төрле килеп чыкты... Озак вакыт аны берәүгә дә күрсәтергә кыймадым", - дип язган Айсылу.
Җыр чыннан да икенче төрле килеп чыккан. Клипны сезгә дә тәкъдим итәбез:
Шунысын да әйтик - клипта Айсылуның сөйгәне ролендә "Интертат" хәбәрчесе, "Илгиз ил гизә" видеоблогы авторы Илгиз Шәкүров уйный.
"Бер ел элек, тормышымда катлаулы вазгыять сәбәпле, мин Ризван Хәкимов җырларын тыңлый башладым. Аның җырлары әрнү һәм өзгәләнү белән тулы...
"Гөнаһ" җыры аеруча күңелгә керде. Мин аны кабат-кабат тыңладым. Ул тәмамлангач, тагын кабыздым...
Һәм минем аны бик тә җырлыйсы килгәнне аңладым. Бөтен әрнүемне шул җырга тапшырыр идем, дип теләдем.
Мин бу тәкъдим белән продюсер Рифат Әхмәтовичка бардым, әмма ул җырны инде Азат Абитов алганын әйтте.
Минем күңел бик төште, бик! Әмма, вакыт узгач, тынычландым. Ярты елдан Азатның бу җырдан баш тартканын аңладым. Һәм башыма уй килде: тагын бер талпынып карыйммы соң әллә?
Бу юлы җыр минеке булды! Мин бик бәхетле идем! Яшермим: мин ул җырны ничек тапшырырга белмичә, кабат-кабат яздырдым. Аңладым: аны җырларга түгел, аның белән кичерешләреңне сөйләргә кирәк икән...
Туганнарым, продюсерым җырны ничек кабул итәр икән, дип борчылдым. Ул бит ничектер башка төрле килеп чыкты... Озак вакыт аны берәүгә дә күрсәтергә кыймадым", - дип язган Айсылу.
Җыр чыннан да икенче төрле килеп чыккан. Клипны сезгә дә тәкъдим итәбез:
Шунысын да әйтик - клипта Айсылуның сөйгәне ролендә "Интертат" хәбәрчесе, "Илгиз ил гизә" видеоблогы авторы Илгиз Шәкүров уйный.