Айрат Сафин белән диджей Радик әти-әниләренең яшьлеге стилендә клип төшергән
Мәскәү егетләренең иҗатын яратучылар клипның иң кадерле кешеләрбезгә багышлануын хуплаганнар.
Айрат Сафин белән диджей Радик әти-әниләренең яшьлеге стилендә яңа клипларын тәкъдим иттеләр.
«Әти-әнигә багышланган яңа җырыбызны кабул итегез. Клипны нинди стильдә төшерү турында күп уйладык. Нәтиҗәдә, әти-әниләребезнең яшьлеге стилендә төшерергә булдык.
Дуслар, саклагыз аларны. Алар — тормышта бәхет һәм терәк.
Җырның текстын авылдаш Ришат Рамазанов язды. Ә көен үзем яздым. Иске Кулаткы авылында яшәүче Усмановлар гаиләсенә рәхмәт, алардан башка бу җыр да, клип та тумас иде», — дип язган диджей Радик.
«Авыл, йорт, әти һәм әни - тормышыбызда иң яхшысы. Сине анда чәй, пироглар белән сыйлыйлар, күңелле хатирәләр каршы алалар», — дип тәкъдим иткән яңа клипны Айрат Сафин.
Мәскәү егетләренең иҗатын яратучылар яңа клипны яратып караган, аның бигрәк тә иң кадерле кешеләрбезгә багышлануын хуплаганнар.
