Айгыр ат яна торган урыннан бия белән колынны куып алып чыккан - видео

Калифорниядә коточкыч урман янгыннары дөрли. Шул вакытта айгыр ат туганнары яши торган урынга ярдәмгә килеп җитә. Айгыр ялкын һәм төтен баскан ранчо эченә кире кереп китә. Бу урыннан кадрларны "Российская газета" сайтында урнаштырдылар.

Сими-Вэлли шәһәре янында хайваннар яши торган ранчога да урман янгыны килеп җитә. Хайваннарны эвакуациялиләр. Шул чакта ат көтүеннән бер айгыр аерылып чабып китә. Ул янгын булган урынга бара. Шуннан ул бия һәм аның колынын табып ала, аларны чыга торган урынга куып алып килә.