Башкорт язучысы Айгиз Баймөхәммәтовның бертуган апасы үлгән. «Урамда барганда кисәк үзен начар хис итә башлады һәм йөрәге туктады. Аңа 35 яшь иде», — дип язган ул социаль челтәрдә.
Айгизнең кайгысын уртаклашып язалар, авыр туфрагы җиңел булсын дип телиләр.
Айгиз Баймөхәммәтов 1988 елда Белорет районында җиде балалы гаиләдә алтынчы булып туа. Аңа 8 яшь булганда әнисе Гөлнур яман шештән үлә. 3 елдан әтисе Гыйззәт тә шул ук авырудан вафат була һәм алар балалар йортында тәрбияләнә.
Айгиз иң танылган башкорт язучыларының берсе.
Айгиз Баймөхәммәтовның авыр кайгысын уртаклашабыз.
