Айгөл Сагынбаева Башкортстанның атказанган артисты булган!
Татар эстрадасы җырчысы, Татарстанның атказанган артисты Айгөл Сагынбаевага тагын бер мактаулы исем бирелгән. Ул хәзер "Башкортстанның атказанган артисты" исемен дә йөртә. Бу хакта Инстаграм битендә Рәшит Ваһапов исемендәге фестиваль җитәкчесе, пролюсер Рифат Фәттахов язган.
Уфадан шатлыклы хәбәр килде : яраткан җырчыбыз, Ваһапо вестивале лауреаты, Татарстанның атказанган артисткасы Айгөл Сагынбаевага "Башкортостанның атказанган артисты" дигән мактаулы исем бирелде! Афәриннәр, котлыйбыз!
Сиңа, Айгөл, гаилә бәхете, балаларыңның, якыннарыңның, үзеңнең исән-сау булуын телибез! Синнән яңа җырлар, яңа программалар көтәбез! Без сине яратабыз!" - дип котлап язган Рифат Фәттахов.
"Моңлы сандугачыбызны котлыйбыз! Иҗади уңышлар теләп калабыз", - дип язганнар җырчыга.