Айгөл Бариева гаиләсендәге зур сөенече белән уртаклашты
Җырчының улы федераль каналдагы сериалда төп рольләрнең берсендә төшә.
Җырчы Айгөл Бариева инстаграмдагы сәхифәсендә зур сөенече турында язды.
«Бу еллар эчендә без инстагаиләгә әверелдек инде. Сезнең арада ихлас борчылучылар һәм сөенүчеләр бар. Ниһаять, мин гаилә шатлыгыбыз белән уртаклаша алам», — ди ул.
«Безнең Камил «Россия 1» каналында кастинг узды. Хәзер ул «Ловец снов» дигән сериалда төп рольләрнең берсендә — Петя булып уйный.
Сериал премьерасы быел кышка билгеләнгән.
Инстачылар 200дән артык комментарий язган. Камилгә уңышлар телиләр, Айгөлнең сөенечен уртаклашалар.
