Айгөл Бариева: Элвин Грей һәм Уразова арасында низаг барыбыз өчен дә сабак булыр
Элвин Грей һәм Татарстанның атказанган артисты Гүзәл Уразова арасында "Красивая, хороший" җыры өчен килеп чыккан низаг артык күпертелде. Татарстанның атказанган артисткасы, җырчы Айгөл Бариева “Интертат” хәбәрчесенә шулай дип белдерде.
– Хакыйкать кем ягында икәнен әйтә алмыйм, ләкин күпертү булды. Бу барлык җырчылар өчен дә сабак булыр дип уйлыйм. Без бит, кызганыч, законнарны белмибез. Сөйләшенгән, килешенгәннәр сүздә генә кала. Бу хәлдән соң килешү төзеп, эш мөнәсәбәтләрен дәлилләрлек документ булырга тиеш, дигән нәтиҗәгә килдем. Җырчыларның тиз арада дуслашуларын телим, - диде Айгөл Бариева.