Айдар Галимов икенче тапкыр дәү әти булды!
Татарстанның халык артисты Айдар Галимов икенче тапкыр дәү әти булган. Аның беренче кызы Гүзәл бала тапкан. Бу хакта артист "Болгар радиосы"нда туры эфир вакытында үзе әйткән.
«Котлыйбыз! Татарстанның халык артисты Айдар Галимов икенче тапкыр дәү әти булды! Бу хакта җырчы бүген үзе «Иртәнге чәй"ләргә туры эфирда хәбәр итте!
Галимовлар гаиләсен әлеге шатлыклы вакыйга белән чын күңелдән котлыйбыз, сәламәтлек, иминлек, ак бәхетләр телибез! Балаларыгыз, оныкларыгыз куанычын күрергә язсын!» — дип язылган «Болгар радиосы"ның Инстаграмдагы рәсми аккаунтында.
«Котлыйм, брат. Минем арттан калма!» — дип язган Татарстанның халык артисты, җырчы, композитор Зөфәр Хәйретдинов. «Котлыйбыз! Дәү әтиләр шулай яшь хәзер, молодцы! Күз тимәсен!» — дип котлый Айдар Галимовны халык.