Айдар Галимов «Берләшик!» җырын башкара

Берләшик!

Рәфикъ Юныс шигыре, Сәйдәш Чәчәнбаев көе.

Җитмәде безгә һич бердәмлек,

Баш булды безгә гел таркаулык.

Мең җирдә мең учак пыскыды,

Мең дулкын булып без вакландык.

Бер киртә дә безгә чыдамас,

Дулкынтау булып без берләшсәк.

Җилләр тик көч-куәт өстәрләр,

Бер учак булып без дөрләсәк.

Берләшик әле без, берләшик,

Бер халык булып, булып бер.

Бер җан, бер тән булып бер яшик,

Әле без бер яшик!

Өмәләп яңа йорт салырбыз,

Синең, минем яңа ил өчен.

Без тиңсез сабантуй ясарбыз,

Җилфердәтеп дуслык сөлгесен.

Җитәрбез иң ерак чорларга

Нык булып, бер булып, зур булып.

Меңләгән йөрәктән бер теләк

Ургыла уртак бер җыр булып:

Берләшик әле без, берләшик,

Бер халык булып, булып бер.

Бер җан, бер тән булып бер яшик,

Әле без бер яшик!

Җитмәде безгә һич бердәмлек,

Баш булды безгә гел таркаулык.

Мең җирдә мең учак пыскыды,

Мең дулкын булып без вакландык.

Бер киртә дә безгә чыдамас,

Дулкынтау булып без берләшсәк.

Җилләр тик көч-куәт өстәрләр,

Бер учак булып без дөрләсәк.

Берләшик әле без, берләшик,

Бер халык булып, булып бер.

Бер җан, бер тән булып бер яшик,

Әле без бер яшик.