Айдар Габдиновка истәлекле бүләк тапшырылды
Җырчыга Татарстан Республикасының Мәскәүдәге вәкиллеге исеменнән медаль тапшырдылар.
20 ноябрьдә Мәскәү шәһәрендә легендар композиторыбыз Сара Садыйкованың тууына 115 ел тулуга багышланган концерт оештырылды.
Казан шәһәр филармониясе солисты, Татарстанның атказанган артисты Айдар Габдинов та катнашты.
Чара вакытында Татарстан Республикасының Мәскәүдәге вәкиллеге исеменнән, тырышлыгы, милләтебез сәнгатен үстерүдә күрсәткән хезмәтләре өчен аңа истәлекле медаль тапшырылды.
