Аяк киеме таймасын өчен табанына нәрсә сөртергә?
Чи бәрәңге аяк таймас өчен файдалы булуы ихтимал.
Кыш көне аяк таймасын өчен, ботинка һәм күн итек табанына җилем сөртәләр, наждак кәгазе ябыштыралар, пластырь куялар һәм тагын башка ысуллар кулланып карыйлар. Тик бу эштә бәрәңге дә шактый файда китерә. Бу турыда киңәшләр сайтында язалар.
Бәрәңгене ике кисәккә ярыгыз. Бәрәңге яртысы белән аяк киеме табанын яхшылап ышкыгыз. бары тик чи бәрәңге генә ярый, ул берни белән дә эшкәртелмәгән булсын.
Бәрәңге ышкылган аяк киеме табаны таймас, дип ышандыралар бу хәбәрдә.