Багам утрауларында АКШ туристына акула һөҗүм иткән. Ул аяксыз кала язган. Бу хакта The Independent хәбәр итә, дип яза «Аргументы и факты».
Вакыйга Абако районында Манджек-Кей утравыннан ерак түгел була. Ир-ат дуслары белән көймәдә ял итәргә чыга.
Полиция мәгълүматларына караганда, турист аягын суга төшергән, акула аны диңгез хайваны дип кабул итеп, һөҗүмгә ташланган.
Имгәнгән ир-ат тиз арада хастаханәгә китерелгән, анда аңа кирәкле ярдәм күрсәтелгән.
Полиция хәбәр иткәнчә, ир-атның тормышына куркыныч янамый, диелә хәбәрдә.
