Ингушетиядә 14 яшьлек үсмерне атып үтергәннәр. Аның абыйсы авылдашы белән талашкан булган. Бу турыда РЕН ТВ хәбәр итте.
43 яшьлек ир-атны 14 яшьлек үсмерне үтерүдә шикләнеп тоткарлаганнар. Бу турыда республика буенча Эчке эшләр министрлыгы хәбәр итте.
Фаҗига Инарки авылында 13 апрельдә төн уртасында була. Җинаятьтә шикләнелүче ир-ат, исерек килеш, 58 яшьлек авылдашы белән талаша. Аннары ул «Сайга» мылтыгын ала да көндәшенең машинасына ата. «Volkswagen» автомобиле шунда парковкада тора була. Машина эчендә хуҗаның туганнан туган энесе – 14 яшьлек малай утырган.
«Салонда утыра торган малайның корсагы яралана, ул хастаханәдә вафат була», – дигәннәр Эчке эшләр министрлыгында.
Тикшерү эшләре бара, диелә хәбәрдә.