Дагыстанда 10 яшьлек малай ирекле көрәш буенча күнекмәләр ясаганда комага киткән. Баланы хастаханәгә китергәннәр, берникадәр вакыттан соң, ул шунда вафат булган. Бу хакта республиканың Спорт министрлыгы хәбәр итте, дип яза РЕН ТВ.
Һәлак булган малай – Бабаюрт авылындагы муниципаль балалар-яшүсмерләр спорт мәктәбе укучысы булган. Билгеле булганча, бала баш авыртуыннан зарланган.
«Әти-әнисе малайны мәктәпкә җибәрмәгән, ләкин күнекмәләргә җибәргән. Хастаханәдә табиблар баланың баш артында шеш булуын ачыклаган», – дип сөйләгәннәр Спорт министрлыгында.
Малайның сәламәтлеге белән проблемалары булуы турында әти-әнисе белмәгән булырга мөмкин, диелә хәбәрдә.
