Свердловск өлкәсендә 29 октябрьдә яшь кыз һәлак булган. Бу турыда РЕН ТВ Эчке эшләр министрлыгына сылтама белән яза.
Байкал районындагы бер авылда аучы 18 яшьлек кызны җәнлек дип уйлый һәм мылтыктан ата.
«Мәрхүмә кыз тулы гаиләдә үсә. Гаиләсе профилактика хисапларында тормый», – дигәннәр Эчке эшләр министрлыгында.
Аучы аткач, кыз яралана, аны хастаханәгә китерәләр. Тик табиблар аны коткара алмый.
Кызга аткан ир-ат машина йөртүче булып эшли, буш вакытында аучылык белән мавыга. Аңа карата җинаять эше ачылган. Тикшерү бара, диелә хәбәрдә.