Иркутск өлкәсендә бер ир-атны дуңгызлар талап үтергән. Дуңгызларның хуҗасы исә җинаять җаваплылыгыннан котыла алган, аны исә мәҗбүри дәвалануга озатканнар. Бу турыда «Вести» каналы хәбәр итте.
Әлеге коточкыч хәл Тельма бистәсендә була. 30 дуңгызны көтүче ир-ат йоклап китә һәм хайваннар үзләре генә йөри. Алар чит кеше участогына керә. Участок хуҗасы сәнәк тотып, дуңгызларны куып чыгармакчы була. Шул чакта бер дуңгыз бу кешенең аягын тешли. Өлкән яшьтәге ир-атның аягындагы артериясе яралана, ул берничә сәгатьтән соң кан югалтудан үлә.
Дуңгыз көтүенең шулай иректә йөрүенә моңа кадәр дә зарланган булганнар. Ләкин штрафлар да, участковый белән әңгәмә дә булышмый – көтүче терлекләрне иреккә җибәрүен дәвам итә.
«Суд ир-атны җинаять җаваплылыгыннан азат итте, аңа медицина характерындагы чара күрелә – ул психиатрия ярдәме күрсәтә торган оешмага мәҗбүри дәвалануга озатыла», – диелә хәбәрдә.