29 июньдә Сахалиндагы Взморье авылында йөк машинасы 4 баланы таптый. 53 яшьлек йөртүче идарәсен югалта һәм юл кырыеннан бара торган балаларны бәрдерә. Бу турыда РЕН ТВ хәбәр итте.
Долин район суды бу ир-атны сак астына алу карарын чыгарган. Аңа 29 августка кадәр арест билгеләнгән.
Төбәк прокуратурасы белешмәсе буенча, авария вакытында йөк машинасын йөртүче исерек була.
Машина бәрдергән 1 кызны табиблар карагач, өйдә дәваланырга җибәрә. Тагын 3 баланы хастаханәгә салалар. 2 кызның хәле уртача авырлыкта, өченче кызныкы – бик авыр, аны күчереп йөртеп булмый. Табиблар бу баланың гомерен саклап калу өчен көрәшә.
Машина йөртүчегә карата җинаять эше ачылган, диелә хәбәрдә.