Башкортстанның Әбҗәлил районында юл-транспорт һәлакәтендә 16 яшьлек кыз һәлак булган. Тикшерүчеләр җинаять эше ачкан. Бу хакта «Башинформ» Башкортстан буенча Тикшерү идарәсе матбугат хезмәтенә сылтама белән хәбәр итте.
Тикшерү версиясе буенча, 7 июнь көнне көндез «Лада Приора» машинасы Кызыл Башкортстан авылында Октябрь урамында электр самокатында баручы 16 яшьлек кызны бәрдерә. Кыз авыр җәрәхәтләр алган һәм Магнитогорск хастаханәсенең реанимация бүлегендә вафат булган. Машина йөртүче авариядән соң урынан качып киткән.
Машина йөртүченең шәхесен һәм кайда булуын ачыклаганнар. Хәзер тикшерү эше алып барыла. Җинаять эшен тикшерүне Тикшерү идарәсе җитәкчелеге контрольдә тора.