Башкортстан табиблары трактор астында калган 3 яшьлек баланың гомерен саклап калу өчен көрәшә. Бу турыда «Башинформ» хәбәр итте.
Фаҗига 24 августта кичке унынчылар тирәсендә Зилаер районының Юлдыбай авылында була.
Башкортстанның баш дәүләт автоинспекторы Владимир Севастьянов социаль челтәрләрдә язганча, авылда яшәүче ир-ат исерек килеш «МТЗ-80» тракторы руленә утыра һәм 3 яшьлек баланы таптый.
«Малай апасы белән урамда уйнап йөри. Бала җитди имгәнә. Хәзерге вакытта аның гомере өчен табиблар көрәшә. Документларны тикшергәч ачыкланганча, 55 яшьлек ир-атның трактор йөртү өчен таныклыгы юк, транспорт чарасы тиешенчә теркәлмәгән, документлары да юк», – дигән ул.