Авыл тормышын күрсәтүче блогер умарта асрамыйча гына баллы булу ысулын өйрәтә
Ул бал кортларын җәлеп итү өчен оя эчен прополислы чүпрәк белән ышкып чыга.
Авыл тормышы, бакча турында сөйләүче блогер Лилия апа умарта асрамыйча гына, баллы булырга өйрәткән.
«Бал ашыйсың килсә, ә умарта асырыйсың килмәсә», — дип башлаган сүзен блогер Лилия апа. Видеода ул бал кортлары өчен тозак ясарга өйрәтә.
Тозакны иске шкаф калдыкларыннан балалар ясаган. Ул кечерәк кенә турыпочмаклы ояны хәтерләтә. Ул ояга кәрәз үрелгән иске рам куя һәм прополиска буялган чүпрәк белән оя эчен ышкып чыга. Бу бал кортларын җәлеп итү өчен кирәк.
Тозак-ояларны мөмкин кадәр биеккә куярга кирәк, биек агачка бәйләп куярга мөмкин, чөнки бал кортлары биеклекне ярата, дип сөйли ул.
Лилия апаның бу видеосын 600дән артык кеше караган, димәк алар артык мәшәкатьләнмичә генә баллы булу юлын белә дигән сүз.