Социаль челтәрдә оста ханымнар файдалы киңәшләр белән бүлешеп тора. Шуларның берсе – авыл йомыркасын катырып кую турында. Бу – бигрәк тә бавырсак һәм чәкчәк әзерләүчеләр өчен яхшы була, чөнки сап-сары авыл йомыркасыннан камыр ризыклары да шәп килеп чыга.
«Кызлар, салкыннар башланды, димәк, тавыклар да йомырка аз сала башлый. Шуңа күрә йомырканы, блендер белән туглап, силикон кекс савытларында туңдырабыз, аннары пакетларга күчереп, туңдыргычта саклыйбыз. Токмач, бавырсак, чәкчәк, шулай ук барлык камыр ашларына менә дигән булачак. Хәтта кыздырып алырга да була», – дип яза авылда яшәүче ханымнар.