Авыл елгасында 13 яшьлек ике кыз берьюлы батып үлгән

Брянск өлкәсендәге бер авылда Десна елгасында берьюлы ике бала батып үлгән. 13 яшьлек ике кыз үлеме буенча җинаять эше ачылган. Бу турыда Брянск өлкәсе буенча Тикшерү комитеты матбугат хезмәте хәбәр итте.

1 августта балалар елгага су коенырга иптәш кызлары белән бергәләп килгән. Алар белән олы кешеләр булмаган.

"Хәзерге вакытта фаҗигага китергән сәбәпләрне билгеләү буенча эшләр бара. Җинаять эшен тикшерү дәвам итә", диелгән Тикшерү комитеты хәбәрендә.