Башкортстанда авыл чүплегендә яңа туган сабый мәете табылган. Бу турыда социаль челтәрләргә сылтама белән «Башинформ» яза.
Ломовка авылында көнкүреш калдыкларын аралаучы эшчеләр коточкыч табылдыкка юлыга. Биредә пакет эчендә бала мәете килеп чыга.
Урынга полиция чакыралар. Экспертлар ачыклаганча, сабый дөньяга килгәннән соң 5 көн генә узган.
Хәзер баланы ташлап киткән анасын эзлиләр. Гинекология бүлекләреннән белешмә туплыйлар, диелә хәбәрдә.