«Авыл читендә уйнап йөрделәр». 5-6 яшьлек балалар утырган машина таудан төшеп капланган

Дагыстанда 3 бала утырган машина таудан төшеп киткән. 1 кыз үлгән, 2 малай җитди имгәнгән. Бу турыда Россия Тикшерү комитетына сылтама белән «Вести» каналы хәбәр итте.

Фаҗига Цутин районында була. Җинаять эше ачылган.

Республика буенча Тикшерү идарәсе белешмәсе буенча, 13 апрельдә Хутрах авылы читендә 3 бала уйнап йөри. Алар биредә торган «УАЗ» машинасына кереп утыра. Машина бикләнмәгән булган.

Якынча версия буенча, 5 яшьлек малайларның берсе кул тормозы рычагын ычкындыра. Машина таудан төшеп китә, әйләнеп каплана, аннары сарайга бәрелә.

6 яшьлек кыз урында ук үлә. 5 яшьлек ике малай бик травмалар ала, алар хастаханәдә, диелә хәбәрдә.