Автор-башкаручы, продюсер Гүзәлия ир-атлар белән хатын-кызлар турында үз фикерен белдергән.
«Гафу итәрсез, ир-егетләр, соңгы вакытта уш китәрлек, сокланырлык ирләр күргәнем булмады.
Ә хатын-кызлар хәзер бик акыллы, көчле. Сокланам, үрнәк алырга тырышам. Юк, Гүзәлия ирләрне күрә алмый дип уйламагыз. Мин ирләрне күбрәк жәллим, әмма ир кеше кызганырлык булырга тиеш түгел дип уйлавым.
Ә менә хатын-кызлар... Сокланам мин көне буе биек үкчә киеп, шак-шок бию ритмына басып йөрүче хатын-кызларга (үзем көне буе кроссовкада йөргәнгәдер инде). Сокланам мин ялгыз гына кофе өстәле артында канәгать йөз белән утыручы хатын-кызга. Андыйлар кирәкмәгән кешеләрне сызып ташлый, иске әйбер җыеп ятмый, үткәнне искә алмый. Андыйларның холкы аз гына сихерчедән, аз гына затлы ледидан алынган.
Бу хатын-кызлар – импульс, азарт һәм энергия чыганагы. Алар белән ни генә эшләмәсеннәр, туп-туры күзеңә карый, туры бәреп әйтә.
Комментарий калдыручы хатын-кызларларның күпчелеге артист белән килешкән.