Автор-башкаручы, продюсер Фирүзә Хафизова авылда төшерелгән видео белән уртаклаша. Анда ул тавык тавыкларның «Аллаһ» дигән сүзгә охшаган язмалы йомырка салуы турында сөйли һәм «аларны нишләтергә» дип киңәш сорый.
«Элегрәк Интернетта күрсәм, чын хәл микән соң бу, дип шакката идем, ә хәзер бу хикмәтле йомыркалар бездә дә пәйда булды. Әни белән апайның икесенә ике йомырка, берәү яисә өчәү дә түгел бит. Әти киткәч, әйтерсең, Аллаһы Тәгалә «кайгырмагыз, мин сезнең белән» дигән шикелле безне юатуыдыр, шул рәвешчә, үзенең барлыгын белгертүедер, дип кабул иттек без бу могҗизаны!» – дип язган ул.
Фирүзәгә нинди киңәш бирергә белмәгәннәр, шулай да бер ханым йомыркаларны гөл төбенә балчык өстенә салырга дип язган.
«Әтәч гаепле», – дип тә шаярткан берәү.
- «Аллаһ» сүзе язылган йомырка салган тавык хуҗасы: «Төшемдә, ике атнадан соң үләсең, дип хәбәр иттеләр, бу көнне шөбһәләнеп көттем».