Австралиядә яшәүче Финзия Газизовадан җиләктән кәнфит рецепты
«Бездә карлыган юк. Мин башта кура җиләге белән ясадым, әчкелтем иде. Ә аннары кара бөрлегән белән башка җимешләрне кушып та ясадым», — дип язган Австралиядә яшәүче татар кызы Финзия Газизова.
Кәнфит өчен: 100 грамм җиләк-җимеш, 25 грамм кокос оны яки солы оны (кокос онын үзем ясадым, валчыкларын блендерда вакладым), 30 грамм күрәгә (яртысына кара җимеш тә ярый), 10 грамм чиа орлыгы яки көнҗет орлыгы, 28 грамм сыек бал.
Кәнфитләрне әвәләү өчен 10 грамм кокос вагы да кирәк булачак.
Ингредиентларның барысын бергә блендерга салып болгатырга. Аннары әзер массадан шарлар ясарга. Кәнфитләрне 1,5 сәгатькә суыткычка куярга кирәк.
