«Мәйдан» телеканалының Яңа ел тамашаларын төшерү процессы озаккарак сузылган булса кирәк, чарада катнашучы юмор остасы Җәвит Шакировның тамагы ачкан, һәм ул ашау ягын кайгырта башлаган.
Бер почмакта зур тартмага салынган кайнар өчпочмаклар сыпыртып утыручы Җәвитне хатыны Зөлфия Шакирова күреп алган.
«Нигә берүзең качып ашап утырасың әле син? Бу гына сиңа аз булмасмы?» – ди Зөлфия Шакирова, тартмада ун өчпочмак ятуы, унберенчесенең ире кулында булуына ишарәләп.
«Бер дә борчылма, Зөлфүш, шушы җитәр, мин диетада», – дип шаян җавап кайтарган аңа Җәвит Шакиров.
