Җәвит Шакиров социаль челтәрдәге сәхифәсенә хатыны Зөлфия белән төшкән матур фото куйган. «Сөеп-сөелеп, мәхәббәт утында янып яшәргә язсын» дип язып та куйган ул. Шулай ук артист «никах яңарттык әле» дип тә өстәгән.
Соңгы сүзләр иҗади гаиләнең виртуаль дусларын аптырашта калдырган.
«Искесен, кирәкмәсә, безгә бирегез, зинһар өчен», – дип шаярткан юморист Данир Сабиров.
«Җәвит абый, никах яңартырлык гөнаһларың бар идеме?», «Сез гел бергә бит. Никахны хыянәт иткән кеше генә яңарта», – дип аптырап язучылар да бар.
«Җәвит елдан-ел яшәрә, Зөлфиякәй бирешә»; «Вакыт үзенекен ала, Зөлфия нык олы күренә», – дип тә комментарий калдырган игътибарлы тамашачы.
«Икесе дә бик матур, исәнлекләрен бирсен», «Матур гаилә», – дип сокланып язучылар да бар.
Фото: © Җәвит Шакировның социаль челтәрдәге битеннән