Авиация буенча өч тапкыр дөнья чемпионы Башкортстанда юл һәлакәтендә үлгән
42 яшьлек Максим Семеновның ике баласы ятим калган.
21 майда Башкортстанның Караидел районында трассада авариядә 42 яшьлек Максим Семенов үлгән. Бу турыда «Башинформ» хәбәр итте.
Ул — бик җиңел авиация буенча өч тапкыр дөнья чемпионы, җиңүләрен хатыны Әлфия белән бергә яулаган.
ЮХИДИ белешмәсе буенча, Максим Семенов карда һәм сазлыкта йөри торган «Баги Commandor» белән идарә итә. Билгесез сәбәпләр аркасында ул юл кырыена төшеп китә һәм каплана. Шунда ук Максим һәлак була.
Максим Семенов хатыны Әлфия белән бергә 2016 елдан башлап өч тапкыр чемпионы титулын ала. Ул парашют спорты белән шөгыльләнә, Башкортстан җыелмасына керә.
Мәрхүмнең балигъ булмаган ике баласы ятим калган.
