Америка авиакомпаниясе хатасы аркасында, 6 яшьлек бала гаиләсеннән йөзләрчә километр ераклыктагы башка шәһәргә очып киткән. Бу турыда РЕН ТВ яза.
«The Daily Telegraph» басмасы белешмәсе буенча, Каспер исемле малай Фиалдельфиядән (Пенсильвания штаты) әбисе янына Форт-Майерс шәһәренә (Флорида штаты) самолетта очарга тиеш була. Әби кеше баланы аэропортта каршы алырга килгәч кенә, бала югалу турында билгеле була.
Аннары малай туганнарына шалтыраткач, ул Орландо шәһәренә очып килүе билгеле була. Бу шәһәргә Форт-Майерстан машинада 4 сәг барырга кирәк.
Әби кеше авиакомпаниядән аңлатма таләп итә. Компания хатаны таный, баланы туганнарына кайтару өчен барысын да эшләүләрен әйтәләр. Алар гафу үтенә һәм әлеге хәлнең сәбәпләрен ачыкларга вәгъдә бирә.
Журналистлар әлеге очракны «Один дома – 2» данлыклы фильмы сюжеты белән чагыштыра. Бу кинода 10 яшьлек Кевин Маккалистер очраклы рәвештә Флорида урынына Нью-Йоркка очып килә, диелә хәбәрдә.