13 августта Оренбург өлкәсендә трассада юл һәлакәтендә ике кеше үлгән, тагын биш кеше имгәнгән. Бу турыда өлкә буенча Эчке эшләр министрлыгына сылтама белән РЕН ТВ хәбәр итте.
Фаҗига Казан-Оренбург-Акбүләк юлының 428 километрында була.
Якынча белешмә буенча Renault Duster белән идарә итүче 48 яшьлек ир-ат каршы як полосага чыга һәм Totota RAV 4 машинасына бәрелә.
Авариядә Renault Duster йөртүче һәм аның пассажиры үлә. Totota RAV 4 машинасындагы биш пассажир имгәнә. Аларны Абдулино хастаханәсенә китергәннәр, диелә хәбәрдә.