Американың Нью-Йорк шәһәрендә матч вакытында 17 яшьлек хоккейчы һәлак булган. Әлеге уен авариядә үлгән кыз истәлегенә оештырылган. РЕН ТВ хәбәр итте.
«Масспекуа урта мәктәбенең өлкән сыйныф укучысы университет командасы белән уйный. Матч шимбә көнне кич белән Ойстер-Бей шәһәренең боз үзәгендә була. Хоккейчы антракт вакытында, аңын югалтып, бозга егыла», – диелә хәбәрдә.
«Ашыгыч ярдәм» килгәнче үсмерне реанимацияләргә тырышалар. Тик табиблар хастахангә алып киткәч, егетнең үлемен раслый.
Полиция белешмәсе буенча, хоккейчы үлемен тикшерү дәвам итә. Әлегә аның ни сәбәпле үлүе ачыкланмаган, диелә хәбәрдә.
