Волгоградта 5 яшьлек малайны үз әтисе һәм үги анасы җәзалаган, алар баланың тәненә басып тәмәке төпчекләре сүндергән. Бу турыда Тикшерү комитетына сылтама белән РЕН ТВ хәбәр итте.
Ир белән хатын баланы даими рәвештә җәберләүдә шикләнелә. Аларга карата җинаять эше ачылган.
Ведомство белешмәсе буенча, баланы 2 ел чамасы интектереп яшиләр. 38 яшьлек ир-ат үз фатирында 37 яшьлек хатыны белән баланы җәзалый. Әти белән үги ана сабыйны кыйныйлар, тәненә тәмәке төпчекләре белән басалар. Табиблар баланың тәнендә күгәргән, тырналган, пешкән урыннарның күп булуын ачыклаган.
Хәзер бала социаль үзәктә. Аны гаиләдән алганнар. Ата-анасын тоткарлаганнар. Тикшерү бара, диелә хәбәрдә.