30 майда Хабаровск өлкәсенең Майский бистәсендә 2 катта урнашкан фатирда янгын чыга. Әти кеше һәм аның 5 баласы булган өй яна башлый. «Әти йоклаганда, ут төрт әйдә», дип «Комсомольская правда» яза.
Әти кеше балыктан кайта да ял итәргә була. Шул чакта балаларның берсе зажигалка ала һәм ут белән уйный башлый. Аннары диванга ут каба. Балалар аталарын йокыдан көч-хәл белән уята. Бу вакытта 4 бүлмәле фатирны төтен баскан була инде.
Әти кеше, балаларын алып, күрше бүлмәгә чыга, тәрәзәне вата. Узып баручыларны ярдәмгә чакыра. Җәймәләрне бәйләп ясалган баудан балаларны урамга чыгаралар. 4 яшьлек малай бәрелә, пыялага киселә. Ир-ат азактан үзе дә урамга сикерә.
Янгын сүндерүчеләзр фатирга тәрәзәдән керә, ярты сәгатьтә утны сүндерәләр. Бәхеткә, бар кеше дә исән. Баланы табиблар карагач, кайтарып җибәрәләр.