Барлык язмалар news_header_top_970_100
news_header_bot_970_100
Язманы тыңлагыз

Әти-әнисе кибеткә киткәч, өч һәм биш яшьлек ике бала янгында үлгән

news_top_970_100
Әти-әнисе кибеткә киткәч, өч һәм биш яшьлек ике бала янгында үлгән
https://38.mchs.gov.ru/

Иркутск өлкәсенең Заларин районында Сорты авылында янгында 3 һәм 5 яшьлек ике бала һәлак булган. Бу турыда Гадәттән тыш хәлләр министрлыгына сылтама белән «Комсомольская правда» хәбәр итте.

Фаҗига 27 гыйнварда була. Ике фатирлы бер катлы йортта янгын чыга. Биредә 2 балалы гаилә яши.

Шаһитлар коткаручыларга шалтырата. Урынга янгын сүндерүчеләр килгән арада, күршеләр балаларны өйдән алып чыга, алар аңында булмый инде. Өлкәннәр балаларны реанимацияләп карый, әмма, кызганычка, булдыра алмыйлар.

«5 яшьлек кыз һәм аның 3 яшьлек энесе үлде», – дигәннәр ведомствода.

Янгын сүндерүчеләр ярты сәгать эчендә утны сүндерә. Соңрак ачыкланганча, балаларны караучысыз калдырып киткәннәр. Әти белән әни кеше беразга гына кибеткә барган.

«Ике кешегә саксызлык аркасында үлем китерү» маддәсе буенча җинаять эше ачылган.

«Янгынның якынча сәбәбе – балаларның ут белән шаяруын булуы ихтимал. Янгын урыннан җыелган дәлилләр буенча, экспертлар янгын ачык ут чыганагыннан башланырга мөмкин, дип фаразлый», – дип сөйләгәннәр Гадәттән тыш хәлләр министрлыгында.

Комментарийлар (1)
Калган символлар:
  • 29 гыйнвар 2023
    Исемсез
    Нинди йорэк бн 3 hэм 5 яшьлек балаларны узлэрен генэ ойдэ калдырып була? Башка сыймаслык хэл...
news_right_column_1_240_400
news_right_column_2_240_400
news_right_column_3_240_400
news_bot_970_100