«Атаны хөкем итәләр». Сорамыйча урамга чыгып киткән үсмерне әтисе чылбырга бәйләп куйган

Кузбасста яшәүче ир-атны баласын чылбырга бәйләп куйган өчен хөкем итәләр. Бу турыда РИА Новости хәбәр итте.

54 яшьлек әти кеше 14 яшьлек улын җылыту системасы батареясына берничә сәгатькә бәйләп калдырган.

Тикшерү версиясе буенча, быел гыйнварда әтисе белән улы талаша. Малай сорамыйча гына урамга чыгып киткән булган. Шуңа җәза итеп, әти кеше металл чылбыр ала һәм улын берничә сәгатькә батареяга бәйләп куя.

Полиция хезмәткәрләре белән сөйләшкәндә, малай әлеге фактны раслый.

Әти кеше гаебен таныган. Җинаять эше буенча кирәкле дәлилләр тупланган, гаепләү карары чыгарылган эшне судка тапшырганнар, диелә хәбәрдә.