Ашказаны һәм эчәкләрдәге яман шешнең нинди билгеләре бар?
Ашказаны-эчәк трактында хроник авырулары булганнарга аеруча сак булырга кирәк, ди табиб.
Онколог Иван Карасев үзенең Инстаграмында соңгы елларда ашказаны һәм эчәктә яман шеш очраклары артуы турында яза. Табиб бу авыруны башлангыч чорда ачыклаганда дәвалап булуын әйтә, аның симптомнары турында яза.
Тәрәт үзгәрү - эч китү, яки киресенчә, эч кату, гадәти булмаган матдәләр чыгу, авырлык югалу, эчкә газ җыелу, кикерү, сару кайнау яман шешнең беренчел симптомнары булырга мөмкин.
Ашказаны-эчәк трактында хроник авырулары булганнарга аеруча сак булырга кирәк.
Яман шеш аракы эчкән, тәмәке тарткан, режим белән тукланмаган кешеләрдә ешрак очрый, ди табиб.
