Ашказаны асты бизендә яман шеш бар икәнен ничек белергә?

Күпчелек очракта ашказаны асты бизендәге яман чир соңгы стадиягә җиткәч кенә ачыклана. Чөнки аның симптомнарын эч яки арка авыртуы белән бутыйлар. Табиблар фикерен РИА «Новости»га сылтама белән «Газету.Ru» сайты хәбәр итә.

Белгечләр әйтүенчә, авырту билгеләрен кешеләр умыртка баганасы арасындагы дисклар проблемасына да сылтап калдыра. Бу ашказаны асты бизенең ашказаны артына урнашуы белән дә бәйле. Шулай ук күз алмасы һәм тән тиресе саргаю да, яман шешнең билгеләре булып санала.

Табиблар фикеренчә, яман чирне китереп чыгарган төп сәбәпләр - физик активлык җитмәү, артык авырлык, алкоголь куллану һәм тәмәке тарту.