Аш-су блогеры Мәрьям Миннегуловадан чия кайнатмасы
Үзенчәлекле эзлеклелек белән әзерләнә торган кайнатма.
Азнакайның Мәндәй авылыннан аш-су блогеры Мәрьям Миңнегуловадан чия кайнатмасы рецептын тәкъдим итәбез.
Варенье кайната торган савытка 1 стакан су салып кайнатып чыгарырга.
1 стакан чия, 1 стакан шикәр комы салып кайнатып чыгарырга, кабат 1 стакан чия белән 1 стакан шикәр комы салырга.
9 стаканга хәтле шулай эшләргә. Иң сонгысында кайнап чыккач ипләп кенә 15 минут кайнатырга, күбеге чыкса алырга.
4 стакан шикәр комы салып болгатырга, газны сүндерергә. Болгатып шикәр комын эретеп бетерергә, җылы килеш банкага тутырырга.
«Чиянең төшен алып ясалмый. Бары тик бер генә тапкыр су салына — шул бер стакан гына. Чиясе бөрешми», — дип язган аш-су остасы.