Әсгать Дөбер-шатыр социаль челтәрдәге сәхифәсендә Илназар белән җырлаган видеосын куйган. «Ике пенсионер сәхнәдә», – дип шаярткан ул үзләреннән.
Ә аларның җырларын яратучылар:
«Нинди пенсионерлар әле сез. Яшь егетләр!»;
«Дөбер-шатыр»ның «Пирамида»да дискотекалары башланганга 20 ел узды. Барысы да кичә генә кебек»;
«Саннар буенча гына түгел, ә тышкы кыяфәтегез белән дә сезгә пенсиягә ерак әле», – дип, үзләренчә «яшәрткән» кайчандыр популяр булган төркем солистларын.
Искә төшереп узыйк, «Дөбер-шатыр» төркеменең элеккеге җырчысы Әсгать хәзер, авторлык методикасы ярдәмендә, арка авыруларын дәвалау белән шөгыльләнә.