Әсгать Дөбер-шатыр 60 яшьлек юбилеен чит илдә бәйрәм иткән. Ул пальмалар янында видео яздырып, үзен котлаучыларга рәхмәт белдергән.
«Гөрләтеп, минем юбилейны үткәрдек. Бик кызык, әйбәт булды. «ВКонтакте» социаль челтәрендә күп котлаулар язгансыз. Һәрберегезгә аерым рәхмәт әйтеп язарга хәлем юк. Шуңа күрә теләкләрегез меңләп күбәеп үзегезгә әйләнеп кайтсын. Гел бәхетле тормышта, исән-сау яшәргә язсын», – ди ул.
Элеккеге җырчы «минем зур гаиләм» дип фото да куйган.
«Дөбер-шатыр» төркеменең элеккеге җырчысы хәзер авторлык методикасы белән арка авыруларын дәвалау белән шөгыльләнә.
