![Әсгать Дөбер-шатыр 23 яшьтә булган мускулларын күрсәтте](https://intertat.tatar/resize/shd/images/uploads/news/2024/6/7/d300cd21408c575c6a68236ad8014194.jpg)
Әсгать Дөбер-шатыр социаль челтәрдәге сәхифәсендә 23 яшьтә төшкән фотосын күрсәтте.
«Монда миңа 23 яшь. 1985 ел. Атлетик гимнастика буенча Татарстан һәм Казан чемпионатында җиңдем. Элек чемпионат кагыйдәләре башкача иде. Ярышлар 2 этапта уза, беренче көнне 3 төрдә көч сынашу (штанга белән чүгәләү, штанга күтәрү һәм яткан килеш штанга күтәрү), икенче көнне – күрсәтмә чыгышлар. Судьялар 2 көн нәтиҗәләре буенча урын билгели», – дип язган җырчы.
«Дөбер-шатыр» төркеменең элеккеге җырчысы хәзер авторлык методикасы белән арка авыруларын дәвалау белән шөгыльләнә.
![](https://intertat.tatar/images/uploads/72fb50def37f9b10263dc971d15e954a.jpg)
Фото: © Әсгать Дөбер-шатырның социаль челтәрдәге сәхифәсеннән