Җырчы Алия Карачурина тәмләп ашаганын виртуаль дусларына күрсәтте. Видео янына «ә сез миңа ашамыйсың дип әйтәсез», дип язган ул.
Видеода күренгәнчә, җырчы ниндидер камыр ризыгын башын селкеп, күзләрен йомып ашый, ә аннары спагеттины тәмләп суырып йота, соңыннан ипи белән тәлинкәне «юып» куя.
«Бер ай ашатмаганнар диярсең», – дип язган композитор, җырчы, автор-башкаручы Зөфәр Хәйретдинов.
«Ашап та тазармау нинди бәхет», – дип язган блогер Гөлия Вәлиәхмәтовага «ашаган саен ябыга ул» дип җавап биргән җырчы Гөлсирин Абдуллина.
«Шундый матур ашыйсың, ничек шулай өйрәнергә»;
«Өстәл артында биеп утырмыйлар, тончыгырга мөмкин»;
«100 кат карадым, бигрәк тәмле итеп ашыйсың»;
«Матур кыланасың, тагын да сөйкемлерәк күренәсең» кебек комментарийлар да калдырганнар.