Асаф Вәлиев һәм Лилия Муллагалиева “Гитара” җырын башкара
Асаф Вәлиев һәм Лилия Муллагалиева “Гитара” җырын башкара.
"Гитара"
Гөлшат Зәйнашева сүзләре
Сәйяр Хәбибуллин көе
Бөдрә чәчең тараладыр,
Таратып караган юк.
Нинди була ул мәхәббәт —
Яратып караган юк.
Аклы күлмәк кигән идем,
Итәкләре киң икән.
Сандугач сандугачка тиң,
Ә мин кемгә тиң икән?
Әй гитара, әй гитара,
Көмеш микән кыллары?
Гитара уйный бер егет —
Бар микән сөйгән яры.
Ярым юк иде, яр таптым,
Сине таптым, пар таптым.
Бер күрүдә гашыйк булдым,
Бер күрүдә яраттым.
Аклы күлмәк кигәнсең дә,
Итәкләре киң икән.
Сандугач сандугачка тиң,
Ә син миңа тиң икән.
Әй гитара, әй гитара,
Кыллары җиде генә.
Җиде чибәр арасыннан
Сайладым сине генә.
