Аш-су блогеры Илүзә Рамилевна (Хөснетдинова) күптән түгел генә күп балалы ана статусын алды. Ике кыздан соң аның улы туды.
«Таныш булыгыз, Ридван Рузилевич! Бу исемнең мәгънәсе искитмәле. Аның мәгънәсен ишетүгә, миңа каз тәннәре чыкты. Ирем дә мәгънәсен бәяләде һәм улыбызга нәкъ шул исемне кушарга риза булды. Безнең Ридван.
Ридван – гарәп исеме. Ул «иркенлек, ләззәт, кәнәгатьлек» дигәнне аңлата. Исламда Ридван – Җәннәт капкасында сакта торучы фәрештә исеме», – дип язган блогер социаль челтәрдәге сәхифәсенә.
«Сөбханаллаһ, мәгънәсе бик матур», – дип язганнар блогер дуслары.
«Ризванны белә идем, Ридванны беренче тапкыр ишетәм», «Ризван дип әйтәсе килә», – дип язган күпчелек.
Илүзә белән Рузил гаиләсендә Ясминә белән Роза исемле кызлар үсә.